arriba
Xoves, 29-Setembro-2022   |    Acceso privado

 

 
PortadaseparatorCrea a túa empresaseparatorQue é un viveiro de empresas?


Que é un viveiro de empresas?

Un viveiro é un espazo axeitado para a posta en marcha de proxectos empresariais viables nos que poderás dispoñer das infraestruturas necesarias para desenvolver a túa idea de negocio, de xeito gratuíto, e co asesoramento e titoría da persoa responsable de emprendemento no centro educativo.

Eduemprende, o Plan de emprendemento no sistema educativo de Galicia, ten como finalidade o fomento do espírito emprendedor e as iniciativas empresariais. Para alcanzar este obxectivo, a Consellería de Cultura, Educación e Ordenación Universitaria, a través do programa Emprende, pon a disposición do seu alumnado, de xeito gratuíto, viveiros de empresas nos centros educativos.

 img#52769
Folleto Rede Galega de Viveiros de Empresas

O noso viveiro

O viveiro de empresas do CIFP A Carballeira-Marcos Valcárcel forma parte da Rede galega de viveiros de empresas en centros educativos.

Se tes unha idea de proxecto empresarial e queres valorar a súa viabilidade achégate ó noso viveiro de empresas.

As nosas instalacións contan con 4 postos provistos da moblaxe propia dunha oficina, cos equipamentos informáticos e de telecomunicacións axeitados.

                                                                                       img#38283

Ponte en contacto coa persoa responsable do viveiro e ven a coñecelo: viveiro.cifp.carballeira@edu.xunta.gal

 img#69577