Plan Proxecta+
O noso centro foi seleccionado nos seguintes programas educativos enmarcados dentro do Plan Proxecta+ durante o curso escolar 2023/24:
Programa "Por 365 días de respecto e igualdade"
Obxectivos do proxecto
Porporcionarlles ás mozas e aos mozos galegos formación e ferramentas que lles permitan coñecer e recoñecer a violencia contra as mulleres, e actuar na súa prevención, fomentando a autoestima, a autonomía, o coñecemento da construción social das súas identidades sexuais e a asignación de roles, o que permitirá traballar na eliminación de esterotipos sexistas e de falsas crenzas. [+ información]
Actividades do proxecto
1. Obradoiro sobre a violencia de xénero no contexto dixital [23/11/2023]
O grupo de Carbaiguais do Plan Proxecta+ 365 días de Respecto e Igualdade, quere agradecerlle a June Pereiro de Pantallas Amigas os obradoiros impartidos o día 23/11/2023 sobre as diferentes formas nas que se expresa a violencia de xénero no contexto dixital: ciberviolencia de xénero, grooming, sextorsión ou ciberbullying, así como os riscos que implica o sexting.
Participaron nestes obradoiros alumnado das familias profesionais de Sanidade e Informática (79 participantes en total).
2. Charla: A violencia de xénero e o sexismo na publicidade [24/11/2023]
Charlas impartidas por Ana Otero o día 24/11/2023 nas que fixo reflexionar ás e aos asistentes sobre os estereotipos que consolida a publicidade, as súas mensaxes e os modelos de mulleres e homes que potencia a sociedade e son asumidos polas persoas, ás veces de xeito inconsciente.
Asistiron 149 persoas dos Ciclos Formativos das Familias Profesionais de Sanidade, Informática e Química.
3. Obradoiro sobre violencia de xénero [19/12/2023]
O equipo Carbaiguais quere agradecer a Joshua de Dinámicas Xénero Educa o obradoiro impartido ao alumnado de 1° e 2° curso de FP Bàsica e 2º Curso do CFGS Química e Saúde Ambiental contra a Violencia de Xènero encadrado dentro do Plan Proxecta + "365 Dìas de Respecto e Igualdade".
Arredor de 30 alumnos e alumnas participaron en diversas dinámicas para reflexionar sobre a violencia de xènero e a necesidade da sùa erradicaciòn."
4. Obradoiro en língua portuguesa: biodança e formaçao com perspectiva de gênero e feminista [18/01/2024]
O grupo Carbaiguais quere agradecer a Mari Fidalgo e á Cooperativa Mari Xeraccion Coop. S. Galega o obradoiro en portugués impartido de Biodança e Formação com Perspectiva de Gênero e Feminista o día 18/01/2024 de 16:30h a 18:30h, enmarcado, dentro do Plan Proxecta +, no Programa 365 Días de Respecto e Igualdade. Nesta formación participaron 24 alumnos e alumnas das familias profesionais de Sanidade e Informática.
A finalidade da actividade era utilizar a lingua portuguesa e xerar o benestar das persoas participantes a través do autocoñecemento e da conexión coa comunidade.
A través de diversas dinámicas con diferentes agrupamentos o alumnado tivo ocasión de experimentar diferentes mostras afectivas entre as persoas unido ao movemento acompañado por música brasileira.
5. Obradoiro: a violencia machista nas relacións de parella na mocidade [22/01/2024]
O grupo Carbaiguais quere agradecer a María Angélica Mercado Torres, especialista universitaria en estudos de xénero e políticas de Igualdade, o obradoiro
"A Violencia Machista nas Relacións de Parella na Mocidade" impartido o día 22/01/2024 de 8:45 h a 10:15 h, enmarcado, dentro do Plan Proxecta +, no Programa 365 Días de Respecto e Igualdade.
A través de diversas dinámicas e diferentes agrupamentos, neste obradoiro o alumnado de 2º de FP Básica de Informática de Oficina, 1º do Ciclo Formativo de Grao Medio de Coidados Auxiliares de Enfermaría e 1º Ciclo Formativo de Grao Superior de Hixiene Bucodental tivo ocasión de analizar as relacións de parella tendo en conta elementos como a comunicación, límites a ter en conta, sentimentos e axentes implicados .
6. Espectáculo Teatral Mozas nas Redes representado polo grupo Aantena [21/02/2024]
Dende Carbaiguais queremos manifestar o noso agradecemento a Estíbaliz Veiga, Bernardino Martínez e Xosé Leis pola magnífica posta en escena da obra Teatral Mozas nas Redes, un espectáculo teatral unipersoal onde a actriz Estíbaliz Veiga incorporou a catro mozas adolescentes de diferentes estratos sociais, con diferentes aptitudes académicas e con distintas situacións familiares. Cada unha delas foi forzada a facer algo que non quería a través do móbil ou ordenador. Todas elas relacionábanse con figuras masculinas que aparecen como voces en off. Intercalada con cada episodio presentábase unha TikToker quen, usando o baile e a música pegadiza, divulgaba palabras claves que pretendían levar á reflexión sobre se debían ser rexeitadas ou engadidas nas nosas comunicacións online.
Como público contamos co alumnado de FP Básica de 1º e 2º curso, CFGM SMR 2º curso, CFGS LABIOM, CFGS LACC, CFGS 2º HIBU, e CFGS 2º DIET.
7. Charla de sensibilización. A nova escravitude do século XXI: trata de seres humanos con fins de explotación sexual, outra forma de violencia de xénero [07/03/2024]
Nesta charla o alumnado de 1º e 2º de Hixiene Bucodental e 1º de Dietética tivo ocasión de coñecer a labor da Asociación Amaranta coas vítimas da explotación sexual en toda España e máis concretamente en Ourense. O grupo Carbaiguais quere expresar o seu agradecemento a Violeta e Clara, así como ao resto de persoas que conforman a Asociación Amaranta, por esta charla e pola súa contribución para mellorar a vida das persoas.
8. Memoria do proxecto
Programa "Meteoescolas"
Obxectivos do proxecto
Mellorar o coñecemento do alumnado en temas de meteoroloxía e clima e promover a investigación na escola, mediante a observación directa do tempo no seu centro e a contorna, e da realización de diversas actividades nas distintas áreas educativas.
Fases do proxecto
Fase 1
[FP Básica] Traballar nas aulas os distintos conceptos meteorolóxicos.
[FP Básica] Estudar os distintos instrumentos.
Fase 2
[FP Básica e Ciclo Medio] Instalar os instrumentos e comezar a toma de datos.
[FP Básica] Insertar datos da estación meteorolóxica do centro na páxina de Meteogalicia.
[FP Básica] Navegar na páxina de Meteogalicia e aprender a ler os datos alí publicados.
[FP Básica] Realizar as primeiras comparacións entre distintos lugares a través dos datos publicados en Meteogalicia.
Fase 3
[FP Básica] Analizar datos temporais a gran escala (datos de Meteogalicia) e a pequena escala (datos tomados dende o centro).
[FP Básica] Expoñer no centro diferentes estudos meteorolóxicos, principalmente facendo unha comparativa de zonas climáticas de Galicia e a evolución do clima local a través das estacións meteorolóxicas.
Fase 4
[FP Básica e Ciclo Medio] Integrar á estación meteorolóxica un medidor de brillo do ceo nocturno.
Fase 5
[Ciclo Superior] Automatizar o proceso de recompilación de datos:
Creación e mantemento dunha base de datos do centro.
Formulario para insertar datos manualmente na base de datos do centro.
Inserción automática de datos na base de datos do centro.
[Ciclo Superior] Publicar os datos meteorolóxicos na páxina web do centro
Instrumentos
Recollida de datos
Datos en Meteogalicia
Programa "Salvavidas. Modalidade Doazón de órganos e tecidos"
Obxectivos do proxecto
Traballar a doazón de órganos e tecidos e a doazón de sangue dende diferentes perspectivas, para concienciar aos máis novos, a través dunha información correcta, sobre o beneficio que a doazón e o transplante teñen para o sociedade. Promover actividades educativas para o alumnado de bacharelato e formación profesional que os familiarice coa doazón, obtención e uso dos hemoderivados, de modo que poidan ver no acto de doar sangue un exemplo concreto de axuda mutua, de contribución persoal ao ben da sociedade e que dará lugar á súa incorporación como doantes de sangue ao alcanzar a maioría de idade.
Actividades do proxecto
1. Charla sobre doazón de órganos [16/01/2024]
Unha das primeiras actividades relacionadas co Programa Salvavidas foi unha charla sobre que é a doazón de órganos.
Esta foi impartida por Paula Boga, da Coordinación autonómica de trasplantes de Galicia, xunto cunha persoa trasplantada, que nos contou de primeira man a súa experiencia.
Á actividade acudiu o alumnado implicado no proxecto e tamén outro alumnado de ciclos da familia profesional de Sanidade.
2. I Xornadas Emerxencias Sanitarias [10/04/2024]
Tras a volta de Semana Santa comezaron a aparecer polo centro pistas de que algo novo estaba a facer o Ciclo de Emerxencias Sanitarias. Uns post-it repartidos por todo o centro marcaron o comezo da difusión do proxecto. Estes ían indicando onde se atopaban códigos QR con información sobre doazón de órganos, así como preguntas relacionadas. Co paso dos días foise vendo tamén información nas redes e o noso alumnado encargouse de facer ver que o venres 12 de abril habería un xogo no que podería participar todo o centro para traballar a doazón de órganos empregando, para iso, ata un megáfono!
Todo isto é resultado do traballo durante todo o curso de diversos módulos do ciclo medio de Emerxencias Sanitarias, nos que se traballou a temática escollida dende diferentes ángulos. O venres verase o resultado final!
3. I Xornadas Emerxencias Sanitarias. Xogo: órganos con urxencia [12/04/2024]
Tras todo un curso traballando a temática da doazón de órganos nos diferentes módulos, tivemos como resultado un xogo de preguntas no que puido participar todo o centro. Para iso, organizouse o taboeiro no pabillón do CIFP e nel puido xogar a comunidade educativa. Como se estaba a traballar a temática de doazón de órganos desde unha perspectiva de emerxencias sanitarias, os grupos a xogar eran de tres persoas: un TES conductor (identificado por un cartón co número da ambulancia), o outro TES da dotación, que levaba o órgano (identificado por un cartón no que estaba representada a neveira, segundo estándares da ONT) e un locutor, que se encargaba de tirar o dado e ler as preguntas desde "central".
Este xogo non só se podía xogar este día, se non que, gracias á biblioteca do centro, estará tamén en formato físico nese espazo. Así, poderase xogar tamén noutros cursos, mentres se aprende máis sobre a doazón de órganos e de como se vive desde as emerxencias extrahospitalarias.
