Información para ciclos LOXSE
- CM Coidados auxiliares de enfermaría
- CS Dietética
Responsable do departamento de relación con empresas
Lurdes Docampo Gómez
relacionconempresas.cifp.carballeira@edu.xunta.gal
988788477
INFORMACIÓN PARA ALUMNADO DE FCT
Formación práctica en centros de traballo
MÓDULO DE FORMACIÓN EN CENTROS DE TRABALLO (FCT)
Normativa aplicable
O módulo profesional de FCT é un bloque coherente de formación profesional que se desenvolve en empresas ou institucións en situacións reais de traballo. Este módulo ten carácter obrigatorio en todos os ciclos formativos e desenvolverase procurando aplicar as competencias profesionais adquiridas no centros educativos, complementadas con aquelas previamente identificadas entre as actividades produtivas do centro de traballo.
O acceso a este módulo producirase cando o alumnado teña unha avaliación positiva en todos os módulos profesionais do ciclo formativo realizados no centro educativo.
Duración FCT
- Formación Profesional Básica: 320 horas.
- Ciclo Medio: 410 horas.
- Coidados Auxiliares e Enfermaría: 440 horas.
- Ciclo Superior: 384 horas.
- Dietética: 380 horas.
- Curso de especialización de Cultivos Celulares: 120 horas.
Períodos de realización da FCT
- Setembro - Decembro
- Xaneiro - Marzo
- Abril - Xuño
A FCT realizarase ao final de cada ciclo formativo, nun só período e de xeito ininterrompido.
A matrícula para realizar a FCT en período extraordinario realizarase no mes inmediatamente anterior do comezo do dito período.
Durante o período de realización da FCT, o horario do alumnado adaptarase ao horario laboral do centro de traballo.
EXENCIÓN FCT
A solicitude de exención formalizarase polo menos 20 días hábiles antes do inicio das actividades programadas para o módulo de FCT.
Requisitos
- Acreditar unha experiencia laboral correspondente ao traballo a tempo completo dun ano, relacionada cos estudos profesionais respectivos. No caso de contratos a tempo parcial, os días de cotización deberán ser equivalentes a un ano a tempo completo.
- No caso dos cursos de especialización será suficiente con acreditar seis meses de experiencia laboral relacionada coa formación cursada, para poder solicitar a exención das prácticas en empresa.
- Quedan exceptuados da posible exención do período de formación ou organismo equiparado os ciclos formativos de grao superior da familia profesional de Sanidade: Audioloxía Protésica, Próteses Dentais, Ortopróteses e Produtos de Apoio, Anatomía Patolóxica e Citodiagnóstico, Documentación e Administración Sanitarias, Hixiene Bucodental, Imaxe para o Diagnóstico e Medicina Nuclear, Laboratorio Clínico e Biomédico, e Radioterapia e Dosimetría.
- Matrícula previa do alumno ou da alumna nun centro docente autorizado para impartir ensinanzas conducentes ao título do ciclo formativo correspondente
O acordo da concesión ou non da exención total ou parcial comunicaráselle por escrito á persoa solicitante no prazo de 10 días naturais.
A solicitude presentarase na secretaría do centro. Presentar a solicitude de exención de FCT coa documentación requerida: vida laboral e informe de empresa.
Descargar formulario de solicitude de exención no módulo de FCT.
Tamén se pode solicitar na SEDE ELECTRÓNICA da Xunta de Galicia.
RENUNCIA Á FCT
O alumnado poderá solicitar a renuncia ao módulo de FCT, e polo tanto á súa avaliación, co fin de non esgotar as dúas posibilidades de matrícula previstas para o réxime ordinario, acreditando algunha das seguintes circunstancias:
- Doenza prolongada de carácter físico ou psíquico.
- Incorporación laboral acreditada mediante contrato de traballo.
- Obrigas de tipo familiar xustificadas que impidan a normal dedicación aos estudos.
- Outras de carácter análogo que a dirección do centro estime oportuno, por proposta do equipo docente.
A solicitude de renuncia debe presentarse polo menos dous meses antes da data da avaliación final do módulo de FCT.
A dirección do centro resolverá, nun prazo máximo de 10 días.