Solicitude de acceso
Para acceder ao viveiro deberás seguir os seguintes pasos:
- Entrevista inicial coa persoa titora do viveiro.
O obxectivo é facer unha valoración da idea emprendedora e do equipo emprendedor, responder ás túas preguntas e dúbidas en relación co funcionamento do viveiro e valorar o potencial emprendedor da túa idea.
- Elaboración do plan de empresa.
Se a valoración da túa idea emprendedora é positiva a persoa titora do viveiro axudarache a elaborar un proxecto de empresa realista. Neste proceso terás que madurar a túa idea, analizar o contorno, facer as previsións de investimento, buscar financiamento, establecer as estratexias para introducirte no mercado, …
Na páxina web do IGAPE podes obter guías para a elaboración do plan de empresa (Modelo Canvas) e acceder a programas para elaborar o plan económico (Viable 2020), así como, exemplos de plans de empresas de diferentes modelos de negocio.
- Contrato de cesión de espazo no viveiro
Se o proxecto se valora como viable, deberás asinar o Contrato tipo de cesión de espazo no viveiro de empresas, para usar de forma gratuíta as instalacións do viveiro como sede da túa empresa durante un período de dous anos.
Se desexas solicitar una entrevista, completa e envía o seguinte formulario.
Formulario de solicitude de entrevista inicial
cifpacarballeira.gal lle garante a adopción das medidas oportunas para asegurar o tratamento confidencial dos datos introducidos neste formulario.