Campus de empredemento sostible

No CIFP A Carballeira-Marcos Valcárcel seguimos apostando pola sensibilización do noso alumnado de cara ao empredemento. O día 8 de novembro, o alumnado de 2º curso do Ciclo Formativo de Grao Superior de Dietética, puido visitar as instalacións de tres empresas, exemplo de boas prácticas, como son: Milhulloa, A Cernada e Arqueixal.
Alí recibiron información de como xurdiron os proxectos, as problemáticas que se atoparon as emprendedoras e emprendedores para desenvolvelos e puideron coñecer de primeira man, tanto os procesos produtivos coma os produtos que elaboran e comercializan, todos eles produtos artesanais, de economía sostible e km 0.