Visita ao Centro de Supercomputación de Galicia (CESGA)

O 11 de abril, o alumnado de 1º de Administración de Sistemas Informáticos e Redes puido coñecer de primeira man que é e como funciona o Centro de Supercomputación de Galicia (CESGA), as súas singulares infraestruturas destinadas a incrementar a capacidade investigadora e tecnolóxica da comunidade científica e da industria. Esta visita está enmarcada no programa EduTecEmprende que ten por obxectivo motivar ao alumnado, desenvolvendo as súas capacidades emprendedoras a través do coñecemento da realidade empresarial e tecnolóxica da nosa comunidade.

Aproveitamos a saída para coñecer tamén o CPD que a Axencia de Modernización Tecnolóxica de Galicia (AMTEGA) ten na Cidade da Cultura de Santiago de Compostela.