I Feira educativa en Ourense.

I FEIRA EDUCATIVA: ESPAZO DE INNOVACIÓN E COLABORACIÓN EDUCATIVA

Dende o CIFP A Carballeira-Marcos Valcárcel participamos:

• Espazo de orientación.
• Espazos de innovación:
• Experiencia inmersiva 360.
• Impresión 3D.
• Actividades de microscopía, saúde e ciencias..
• Actividades tecnolóxicas (Intelixencia Artificial).
• Actividades de emerxencias sanitarias.

O evento terá lugar en Expourense os días 2 e 3 de abril deste ano e nace coa finalidade de promover o intercambio de experiencias, a aprendizaxe colaborativa e o fortalecemento das relacións entre os distintos niveis educativos e entre alumnos, centros, profesores, directores e outros expertos vinculados ao sector.

A feira tamén servirá de lugar de encontro para diferentes membros da comunidade educativa para compartir experiencias e boas prácticas, reforzar o traballo en rede, crear un espazo de intercambio e promover unha educación inclusiva e innovadora.

No acto tamén se porá en valor o labor transformador dos centros educativos da provincia de Ourense a través da exposición de proxectos innovadores que demostran a aposta pola calidade, a creatividade e a renovación pedagóxica. Estas iniciativas reflicten a capacidade dos centros para adaptarse aos retos do século XXI, integrando metodoloxías activas, tecnoloxías emerxentes e enfoques orientados á sustentabilidade e ao benestar.